副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

啟思幼稚園- N班介紹(內含學術,家長參與度,興趣班)

相信好多爸媽而家都煩惱緊應該簡咩學校比小朋友,可能交左幾間留位費buy time慢慢簡,無論N定K啦,今集會講下肥豬明N ge學校,九龍塘啟思幼稚園。

相信好多爸媽而家都煩惱緊應該簡咩學校比小朋友,可能交左幾間留位費buy time慢慢簡,無論N定K啦,今集會講下肥豬明N ge學校,九龍塘啟思幼稚園。 九龍塘啟思幼稚園(私立,男女校) 都好受家長歡迎ge學校,有d家長會這,排名好低wor好似,其實作為用家,我都想為佢平反下,排名低可能因為佢以升小競爭力黎排,咁happy school當然會有d輸蝕,因為喺學術深淺/似小學模式上會同 谷ge幼稚園有明顯分別。 上課/老師編排 每晚有三位老師(包括正,副班主任),大約28-30學生,即係N班黎講1對9-10個,比例好理想,N班小朋友咁細個,由其好似肥豬明6月b入學先2歲2個月咁,好需要足夠ge attention 去睇有冇個別發展差異呀,去關心建立好ge關係令佢肯番學。 每星期會有兩日有體育堂(要著運動衫)會由第4位專教小朋友體育ge老師教,專注發展大肌訓練運動等等,每日都會有時間比佢地去室外操場到玩下跑下,有車仔,公園設施等等,對小朋友黎講好重要,肥豬明放學都仲想留低喺度玩車仔。 英文堂都係專責有英文老師會講故事,唱歌,係唐人樣,但印象中冇聽過佢地講中文,見到家長都係講英文的 每日都有音樂堂會落去唱歌跳舞,勁開心 總體所有老師到清潔換片姨姨都笑容滿面,勁有愛心,老師每日都會同家長有溝通(如果親身接)話你知小朋友今日有咩食左做左,令人好放心。 家長參與度,興趣班 學校都好希望家長參與多d小朋友學習,例如聖誕聯歡會叫埋家長番去一齊玩,小朋友表演比家長睇等等,了解到小朋友平時上堂係點,興趣班方面有故事班,kindermusik等等,肥豬明星期六都有番,但佢絕對冇扭一聽到番學起身話好。令小朋友好鐘意番學,對番學有興趣,啟發小朋友係好amazing!   學術 始終咁細個學生,我唔覺得需要話認字或者點,因為可能都未到文字敏感期(一般3歲幾到4歲先開始),早認字覺得佢認唔到反而會搞到家長自己擔心以為咩讀寫障礙,其實只係未到時間學呢樣野je,反而番學多d日常知識,啟思係會唔同節日有節日書,節日活動等等,會有chapter學著衫,會有chapter教佢地要自己食野,用具點用等等,大小肌控制都好重要,對第時音樂運動發展好有幫助,書多數都係校本自家製,勁精美,肥豬明番到屋企都會不停睇話我知講咩。學校都會叫佢地多d講野表達自己,有自信。 TIPS 我自己經驗覺得N好值得讀happy school,因為老師attention喺心理上發展會多d, 啟思d 教職員叫得哂每個學生個名,好warm番到去,小朋友都好願意番學,有d人會話但係佢中文教wor, 我會話,起碼要比佢熟習一種語言可以表達自己,對考k好有幫助!大部份都係用廣東話考ga, 英文當然自己要輔助下la,肥豬明由入去時怕人,講bb話,短短幾個月見佢會同陌生人打招呼,見街有人跌親會主動關心人,講野清晰左 可以大膽表達自己,呢d我覺得啟思幫左好多好多,真心感謝呢間學校,其實當時有另一間谷ge名幼都offer左,我同肥豬明爸爸絕對冇後悔簡啟思! Please feel free to leave comment:) Please follow instagram : hera_ip