副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

肉碎玉子豆腐

最近小菜苗好揀食,肉又唔食,

最近小菜苗好揀食,肉又唔食, 綠色菜又唔食,咁點呢?真係令人好困擾呀, 婆婆前排就教我煮咗呢道肉碎玉子豆腐, 其實細個時,媽媽成日都煮呢道菜俾我哋三姊妹食, 而家到我煮俾阿女食,估唔到小菜苗又好受落喎,終於有樣嘢肯食多啲, 今次加埋絹豆腐一齊煮,令道菜更加有營養。   肉碎玉子豆腐 食譜   材料:豬絞肉135g、玉子豆腐2條、絹豆腐1磚、蒜蓉1湯匙、蠔油1.5湯匙、水小半碗 醃料:生抽1湯匙、糖0.5茶匙、胡椒粉適量、生粉適量、油1湯匙   1. 豬絞肉以醃料醃30分鐘備用,玉子豆腐及絹豆腐切塊備用。 2. 於平底鍋中熱油,把玉子豆腐煎至兩面金黃後盛起備用。 3. 於鑊中燒熱油,中火炒豬絞肉至半熟,倒入蒜蓉同炒。 4. 倒入玉子豆腐及絹豆腐,加入蠔油及水,炒一會後加蓋焗至汁料收杰即可。   健康農場豬肉係泰國豬肉,無激素無添加, 俾小朋友食真係好放心,而且健康農場仲有四十多間分店, 總有一間喺附近。 見到朋友們都自製玉子豆腐,搞到我都想試下呀。 加埋絹豆腐就更加有營養啦。 每次食親呢道菜,都要食好多飯, 除咗醃肉要調味料,其實煮嘅過程只係需要落蠔油,已經好夠味啦。