副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

"BABYLAU育成日記" 人奶媽媽的煩惱 - 追奶篇

每個媽媽總是想將最好的給最愛 餵母乳之後更深深明白到人奶媽媽呢條路真係唔易行 慶幸既係我身邊有同期生左BB既朋友 同是選擇做人奶媽媽 大家互相支持 有時最大最主要既煩惱並唔係上奶 追奶 而係總有D長輩一直問你有奶未 多唔多奶 夠唔夠BB食.... 一邊箱叫你放鬆心情易上奶 但其實同時不斷的問 自覺給予緊佢地認為善意既提點 反而成為媽媽壓力來源同煩躁 個時真係會諗 冇奶又煩 到有奶啦 又會問你點解咁小要補奶粉 =__= (其實奶粉真係唔係毒藥) 追奶並唔係想像中咁難搞 好想同大家分享下我曾經試過既方法 同最尾終於搵到合適我自己既PATTERN 1. 盡早埋身比BB吸啜   呢個係永遠既王道 生完BB之後盡可能盡快比BB啜媽媽既乳頭 咁會令到大腦知道媽媽要製造奶比BB食 而且一開始亦需要BB吸啜先可以上到奶 使用奶泵冇BB埋身啜效果咁好 更見過一D媽媽分享咁快用奶泵唔係咁好 更何況想追奶 亦先要上到奶先 按步就班 一步步黎 起初會覺得胸部漲漲的 有小小痛 其實係有小小水腫狀況 之前陪月姨姨教我順住D淋巴線輕輕掃下 (如: 從外側胸底部慢慢推向腋下位 / 內側胸底部慢慢推向鎖骨位) 我通常一得閒就會掃下掃下 不出兩三日水腫問題就解決左 *V* 2. 黑豆炒米茶 黑豆有助上奶 我坐月時到第三個星期陪月姨姨就轉左黑豆炒米茶比我幫忙我上奶 黑豆營養價值好高 蛋白質含量達36%~40% 仲有維生素B6、E 促進發奶 其實黑豆炒米茶主要都係豆香 飲落都幾好味 基本上我一日會用上兩-三個茶包 冇味就換 一日飲6-7杯水 因為造奶最主要就係水份 飲水真係唔可以偷懶 同埋試諗下飲既水一部分都造左奶 都要提供番D水份比自己身體 3. 各式各樣上奶湯水 我記得坐月時陪月姨姨煲左好多唔同款既上奶湯比我飲=V= 簡直岩唒我呢個湯怪 - 王不留行豬手湯 (王不留行都係幫助上奶) - 木瓜魚尾湯 - 花生雞腳湯 - 淮山茨實牛鰍魚湯 - 節瓜瑤柱花生紅棗梭羅魚 - 黨參北芪黑豆燉雞 4. POWER PUMPING追奶法 PP追奶法既原理 其實係泵奶時模仿BB猛長期 吸啜乳房刺激身體 令到大腦接收到身體需要更多奶量既方法 每日搵一個固定時間PP一次 其他時間按照平時自己泵奶時間就可以了 (通常建議半夜 因為荷爾蒙關係 奶量會多D) 但都要留意番 如果有硬塊、乳腺炎 或乳暈、乳頭水腫時 就唔好用PP方法啦   5. 上奶SUPPLIMENTS  因為想追奶量 我食過BHK既倍乳 的確好有谷既感覺 但同時換黎既問題 --- 後乳多左奶變得好黏稠 好易塞奶 就算個時我食埋BHK既卵磷脂 都係塞 係經常性塞 彷彿好似塞奶已經變成家常便飯 但係咁對乳線好傷 因為每次塞完奶 乳線都需要時間去復元的 而塞奶又痛 .... (我真係覺得痛過生BABYLAU...唔係講笑 /__\) 於是我又試另一隻上奶產品 Mommylicious Juice 主要成份係香蕉花 成份天然 飲完之後奶量真係多左 我自己就比較喜歡飲黑芝麻味 宜家訂親都係黑芝麻 + 幾支混合黑桑椹生薑 :) 而我宜家番左工之後 我都搵到自己一套既模式 好好彩冇因為番工而跌量 仲比之前多左 (雖然有時ML數都有D飄忽不定) 但起碼番左工都好 維持住係100-150ML左右 我唔係一個富媽媽 我自己都做唔到全人奶 但盡可能比到幾多得幾多 宜家同BABYLAU處於供需平衡階段 我就好滿足嫁啦 :) 分享一下我既PATTERN:  朝早 6點 家中埋身餵哺BABYLAU  朝早 9點半 公司泵奶 (出門前8點會飲半支Mommylicious Juice) 下午 1點 公司泵奶 (12點會飲半支Mommylicious Juice) 下午 4點 公司泵奶 (3點會飲半支Mommylicious Juice) 下午 7點半 家中泵奶 (放工時6點會飲半支Mommylicious Juice) 下午 10點半 家中泵奶  半夜 3點 家中PP方法泵奶 / 埋身餵哺 (如果BABYLAU醒左要食奶我就會埋身餵佢唔泵奶了) 同埋 除左飲mommy juice 我係公司都一直飲大量既暖水 係每小時點都有一樽  一黎飲多d水都可以防塞奶 二黎人奶由水造麻  同埋我KEEP住日日都有一大碗湯水 離不開魚湯 木瓜湯每星期都一定有一次 最後既最後 媽媽最重要放鬆心情 平常心面對 每個媽媽都是最棒的!!!  PS. 望住BABYLAU 同望住呢個冰格 就係我堅持下去既動力