副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

BABYLAU育成日記 "自家制的MIFFY燈籠"

中秋節就快到 眼見BABYLAU好快要過佢第一個月餅節 媽媽我就動動心思想整個燈籠比佢 一黎想有D過節既氣氛 二黎大概係香港比較小可以買到MIFFY既燈籠  而且媽媽自己都好想幫BABYLAU影靚相 記錄底佢成長既每一個小階段 PAPALAU話: 其實最主要你都係想幫個囡影相滿足下自己=V=   事不宜遲 講下材料先!!! 材料: MIFFY頭圖案 X2 / 白色卡紙 X1 / 飲管 X1 / 木筷子 X1 / 布條/棉繩 X1 / 漿糊筆, 剪刀, 軟尺, 膠紙 做法: 1. 將喜歡既MIFFY頭圖案 / 你自己喜歡既MIFFY公仔圖案 PRINT出黎 留小小白邊之後慢慢剪出黎 (建議底部剪出黎都呈圓形狀) 2. 利用漿糊筆將MIFFY貼係卡紙上面 (主要係令到圖案堅挺D, 紙又厚D又耐玩D) 3. 之後再一次慢慢咁剪番個圖案出黎備用 4. 利用軟尺圍住圖案底部度一度長度有幾多 之後剪番對應長度既卡紙 (闊度建議10CM) 5. 將長條卡紙兩邊分別向內對摺1CM 打番開之後會有一條痕 之後利用剪刀係個條1CM既邊分別剪4下 兩邊都係同樣做法 6. 剪好之後再次將1CM邊向內摺呈豎起狀態 當你屈曲卡紙時就會出左一個6角形  7. 之後就可以利用漿糊筆將MIFFY痴係呢個6角形兩邊  8. 飲管既一端利用剪刀從開口垂直剪兩下 9. 將木筷子插入膠飲管 (主要係怕木有刺 所以用飲管套住 長度可隨自己喜好修剪 再唔係有紙飲管都得) 10. 將MIFFY燈籠主體兩端分別開一個小洞 利用布條/棉繩穿起來 11. 最後將布條/棉繩套入剪左口既飲管上 飲管未端利用膠紙痴實 完成!!!  其實動動小心思 成本都係講緊10蚊內 好多材料係屋企本身都有 而且有時番工食完外賣總會有D飲管餐具剩底 媽媽我都係番工時係公司PRINT埋MIFFY圖案 HAHAHA  成個DIY好簡單超快就完成一個小燈籠!! 當然, 除左MIFFY 你都可以整你BABY鐘意既卡通人物唷!!  小小的分享同記錄就到呢度先啦!! MAMALAU我平時會搞下小手作, 有興趣可以FOLLOW下我既IG呀!! 有咩歡迎一齊傾下同sharing唷!! IG: mamalau.handicraft