小朋友放學齊齊去搵好嘢食，我地都好鍾意食cheese，所以呢日就去到韓閣試吓佢哋嘅招牌芝士菜式。 *拉絲芝士豬脾仔* 芝士同豬脾仔會分開上，未溶化的芝士會放喺鐵板上，然後再點火加熱，會慢慢見到芝士溶化非常香，芝士溶咗之後就可以用嚟點豬脾仔，仲有超強拉絲，每一口豬髀都充滿着香濃芝士味，非常邪惡！ *芝士岩漿炒飯* 飯如其名，芝士就好似岩漿重重包圍整個飯，食嘅時候可以一邊撈芝士，而炒飯入面就有豬腩片，可以揀辣同唔辣，所以小朋友都啱食。呢個芝士甜甜地又唔會好漏，不過記得要趁熱食。 *特厚炸黑毛豬扒拼特長帝蟹柳湯拉麵* 豬扒炸得夠鬆脆，條蟹柳真係超級長呀！ 拉麵用熱鍋上咁就唔會咁快變涼！   呢度食物唔算貴，而且份量都幾大，仲免收加一，CP值很高，芝士控/韓國迷必試！   **************** 韓閣 地址: 將軍澳欣景路8號新都城中心2期1015號舖 電話: 28386762 ============== 四月媽媽手記 FB: http://facebook.com/april.mamama IG: http://instagram.com/april.mamama Email: aprilhui412@gmail.com