副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

情緒低落的兩週

哩個係我第一次係網上打文章,我從來都無諗過我會選擇哩個方法去舒緩我既壓力。

哩個係我第一次係網上打文章,我從來都無諗過我會選擇哩個方法去舒緩我既壓力。 我岩岩經歷左人生最低潮既時間,而家我先有勇氣,講出黎,去面對。 我係一個岩岩結左婚半年都未到既幸福女人,當我結左婚冇耐,我就發現自己有左,我同我老公都好開心,因為我地都好想有自己既小朋友。而家既我,剛好懷孕26週,時間過得真係好快,我並無太多既唔舒服,成個懷孕既過程,我都食得,訓得,並盡量保持開心既心情。(雖然有時都會無啦啦喊,但好快就無事) 我有一份固定既工作,應該係咁講,我曾經有一份固定既工作。無錯,係兩週前,我被公司解雇。 我熱愛自己既工作,我可以每日工作多過12個鐘。自從我知道自己有左之後,係差唔多3個月,我同公司講左,由過一刻開始,我就面臨唔同既考驗。 因為佢地怕我辛苦,所以將我手頭上做緊既野,都傳俾第二個。由於個肚愈黎愈大,同身體能力唔許可下,我都會係適當既時候坐低休息下,但盡可能我都唔想影響自己既工作。 我係一個有求必應既人,人地有需要,盡可能我都會幫助,我唔希望對方都會好似我對佢地咁對我,但自從公司知道我有左後,我做既勞動工作比其他人多。我唔會say "No",因為我唔想人地覺得我有左,就咩都唔做。我要搬枱,搬電視機,跑上跑落,但我從不投訴。 估唔到既係,無論我付出多少,到最後我都係被公司解雇。公司想炒人,唔係一朝一夕既事,係而家咁既情況,好多公司都做唔住,我都明白,只係冇諗過佢地會對一個懷孕6個月既女人下手。 當我知道後,我食唔安,訓唔著,我除左喊,同努力搵工之外,我咩都做唔到。但老實講,係香港,會有公司係請大肚婆嗎?我上個星期去醫院做產檢時,因為佢地怕我有產前抑鬱,更加安排我睇心理醫生。我從來都冇諗過哩啲事會發生係我身上面,我壓力大到我抖唔到氣。 但我慶幸自己有個好老公,當佢知道後,佢只係同我講左一句「開開心心做個快樂既媽媽,你唔需要出去搵野做」。老實講我聽到後,我好感動,但我真係唔想加重佢既壓力,我真係好想幫佢分擔。 我希望所有唔好既事,會好快完哂。因為我只想我既寶寶幸福,快樂,健康咁長大,我唔想佢受哩啲唔應該受既壓力同不快。