副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

第一次既胎動

為左可以令自己每日都有野做,保持心境開朗,我想嘗試下每日都打一遍文章,除左可以紀錄一下自己同少少既成長,另外亦可以令自己有啲野做,唔好諗埋一邊。

為左可以令自己每日都有野做,保持心境開朗,我想嘗試下每日都打一遍文章,除左可以紀錄一下自己同少少既成長,另外亦可以令自己有啲野做,唔好諗埋一邊。 自從無左份工後,我慢慢開始感覺到胎動。唔知係唔係少少知道媽媽唔開心,所以佢想俾啲鼓勵我,話俾媽媽知無論發生咩事,少少都會陪住媽媽。 我好記得第一日我收到解雇信既時候,我係屋企喊左好耐,我坐係自己張床度,咩都諗唔到,個一刻只係唔想做人,覺得好難受。係個陣時,我感覺到自己個肚郁下郁下,唔係肚餓打鼓,而係好似有人踢你咁,個一刻我先知道咩叫左胎動,個幾下我先知係少少踢緊我。亂諗野既想法,亦都係個一刻打消左。係個一刻,我同自己講,「無論發生咩事,生活幾苦,我都唔會放棄少少,我都會努力,俾少少過開心,健康既日子」 「為母則剛」,未懷孕前,我並唔明白哩句說話既意思。但當我懷孕後,我慢慢開始明白為人母親,當你有左自己既小朋友後,你會咩都以自己既小朋友行先。無論發生咩事,你都會保護佢,愛護佢,因為你知道,佢會係你最珍貴既寶貝。 P.S.我一路打哩遍文章,少少一路踢我,我深信少少都感受到媽媽對佢既愛,亦都俾我鼓勵,令我有勇氣走下去。