副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[升學資訊]名幼面試搞笑實錄

又到了幼稚園面試嘅旺季,聽到身邊朋友都為拍片而煩惱,慶幸前兩年不用拍片,所以孖媽未經歷過。

又到了幼稚園面試嘅旺季,聽到身邊朋友都為拍片而煩惱,慶幸前兩年不用拍片,所以孖媽未經歷過。 不過我也經歷過實體面試。其實在上一篇文章我也曾提過本來我只為孖寶報了2間幼稚園,不是最熱門的名幼。 那2間幼稚園的面試只是普通讓小朋友玩玩具和與家長談談教育理念,所以輕輕鬆鬆就收了。 後來,聽人點解唔試吓報最top果幾間名幼呀? 唔....其實開頭無話特別想報,因為我覺得有時歷史悠久嘅學校有時不憂收生,反而無左團火。以前我只喺普通學校教,但學校為左收生會付出很多,亦眼見老師們也很出色和用心教學。所以我睇嘅唔喺「名校嘅光環」。 但因為d間名幼喺最後先截止報名,而且聽聞教書朋友也力讚,很多老師朋友嘅仔女都係度讀,所以諗住去見識吓。 結果真喺令我大開眼界!而且我經歷的過程也笑料十足。 第一) 「中伏」...「十面埋伏」? 首先,未正試面試前,各家長都入左面試whatsapp group互相交流。有人會先面試,之後就會分享所見所聞和所想。 有家長會說笑或是認真地討論那一處是「伏位」。有人說笑喺lift 內的閉路電視已被老師監察著,之後又說indoor playground是一個「大伏」,睇吓邊個小朋友喺等候期間會忍唔住走入去玩,同埋睇吓小朋友識唔識自己著鞋同除鞋。 再之後喺排隊等候入去填問卷時又睇下小朋友有冇同家長一齊排好,小朋友又會唔會扭抱。如果家長抱起小朋友就「輸了」! 到最後,家長在填問卷時,小朋友搶家長支筆又「輸了」。如果俾小食小朋友又會被「扣分」! 嘩~咁講法,真喺「十面埋伏」,好難唔會被「扣分」! 解說: 1)如果喺部lift裡面,老師都要監察住面試生,咁真喺要好幾個人幫手輪流當值。而且老師做埋「看更」果份呢....... 2)我可以話俾你知,以我喺個做左十幾年教師嘅老師解說,老師都只係普通人,係冇筆記錄嘅情況下唔會咁好記性,記得邊個走入indoor playground 玩(其實當日眼見每個小朋友都有入去玩)、邊個識著鞋和邊個識除鞋等等。除非個小朋友做些好過份的事,如尖叫,老師就會特別留意。另外,「愛玩」是小朋友的天性,對一個可能兩歲都未夠嘅小朋友黎講,要佢見到playground,而又冇其他野玩或做時,點樣可以忍到唔好玩呢??至於除鞋和著鞋,我都有聽過有d學校真喺會用來計分,但由於當日我要返工,衣著(其實有揀定衫,但無揀鞋)交給照顧者,好日都唔著對有繩嘅鞋,但偏偏果日著左呀!!!我係咪玩完?但都係果句,老師手上無寫板喺手,咁多組咁多不同時段,點記到咁多人?老師當值嘅任務只係點名和分組呢! 3)最後一部份係要喺課室門口排隊等候入去填問卷,此時相信大部分小朋友也會累了。要一個可能未到兩歲嘅BB排隊?排一陣可能得,但可能要5分鐘或以上就未必得。結果,佢地喺課室外的大走廊跑了幾轉。小朋友嘅天性就是愛跑好動,多天真呢!他們真的好好演譯左天真活潑的小朋友角色...哈哈!後來,又跑回課室門口,要求我抱佢地從窗口睇下入面,佢地都只喺好奇啫,只要唔影響其他人就ok。而且佢地真喺又些倦又想嗲吓媽咪,我有抱左一陣....哈哈~ 4)如果喺課室內食野好似唔係咁好,都驚整污糟地方,所以我冇帶野食。驚小朋友會搶左支筆就最好兩手準備,帶多支筆和紙俾小朋友畫吓,又或者帶些圖書俾小朋友靜靜自己睇書也是一個不錯的方法。   第二) 工人姐姐帶小朋友去面試?? 因有whatsapp group 嘅關係,面完試當日有人說見到有人「好勇」,派工人姐姐帶小朋友「出戰」。我都自動獻身話係我黎架! 解說:因為我要帶兩個去面試,爸爸又請唔到假,唯有帶姐姐去幫手。全場真係得我家姐姐咋...哈哈~   第三)衣著高貴,最好配備名牌手袋 Sorry,我真係無...當日下雨天,所以我穿左皮靴和長褲,仲有普通冷衫,咩住背包,算是整整齊齊,但一定無「顯富」!(雖然我也不是富有) 解說:如果只收富貴人家,咁間學校都唔係我想揀嘅(而且我們根本不富貴...哈哈~)。衣著整齊大方就可以吧,又不是去ball 場呢!   第四)小朋友跌倒,你會點處理? 係排隊等候入課室時,有小朋友在門外跌倒。那家長當時同小朋友大約相距一點五至兩米,那位媽媽沒有走近小朋友,只叫小朋友:「冇事!自己起身」,但小朋友無郁過,繼續扒左喺地下。那位媽媽今次用更堅定的語氣同小朋友講「自己起身!!」。我感受到那家長很大壓力,驚小朋友自己唔識起身,被老師看到會被「扣分」。(當時老師就看著) 解說:我覺得小朋友跌倒而自己唔識起身未必會被「扣分」。再者如果個小朋友痛到喊就被「扣分」,咁間學校真係要諗吓適唔適合。都係果句,一個兩歲都未必夠嘅小朋友,為何要要求咁多呢?跌倒了,我不知道他的傷勢如何,為何不走上前先關心小朋友。如果小朋友真喺無事,再請他自己起身,然後再稱讚小朋友。這樣看來,家長是關心小朋友而小朋友又能自己做得到。看來各位也太緊張了! 第五)有冇上那校的playgroup呀? 係whatsapp group 各人會討論研究係唔係讀果間學校嘅playgroup會增加收讀嘅機會呢?? 解說:某些學校真係講到明,所以playgroup也爭崩頭。但依間跟據眾人賽果嘅檢討,又冇乜關係喎。依間學校注重透明度和公平性。在我角度來說,讀其playgroup某程度上對interview真係會有些幫助,起碼減少小朋友對陌生環境嘅不安先。而且當日嘅hello song和task 1聽其他家長說正正就係平時playgroup學過的。不過冇上過也不用太擔心,因為學校都係考d普通常識。亦有家長表示報讀了該校playgroup,小朋友已識跟著hello song跳舞,當天在門外也聞歌起舞,但到自己入去面試呢.....竟然郁都唔郁。所以都係要睇當時那刻的表現。 第六)活潑好動定坐定兼文靜? 面試當天真係笑料百出。Task 1:老師會俾小朋友一種動物BB公仔,要求小朋友說出名後再到農場找其母親配對。小兒天性愛玩,竟然把動物BB以投籃的方式放進農場(可能睇爸爸打波波多?),但又俾佢投中...... 到Task 2 ,要一個家長陪一個小朋友回答老師問題。當我同囝囝面緊試時,囡囡和工人姐姐坐在另一張枱。但由於女兒又痴我,大叫「媽咪」~~~即時見到老師係個file寫野,d下可能真係被「扣分」乎?? 到咗2nd interview(竟然有2nd in),各小朋友也在玩具房玩玩具,老師在旁觀察。我個女真喺好厲害,幾乎每個小朋友嘅玩具都被佢搶過.......oh no.......到要召入校長室時,阿囡唔肯走,今次感到d個真係一個「伏位」。 解說:學校是社會的縮影,各人有不同的性格。相信學校會接收不同性格嘅學生。學校反而想見到「真實」嘅一面多過「矯揉造作」。小朋友有少少貪玩是正常吧,又不是機械人。小朋友痴媽咪也很正常。小朋友搶玩具更是十分之普遍,尤其兩歲或以下,仍活在「自我中」。我想學校是想看看家長如何處理和析解! 最後阿囡點解肯離開玩具房? 我話我哋去第二度玩,結果校長室真喺有玩具俾小朋友玩,咁樣家長就可安心同校長傾計。當然家長最好兩手準備,帶備私伙以備不時之需。 第七) 孖嘅乜都要兩份 話說1st in最後一部份係填問卷,今次真喺考起我喇!其他人填問卷也要速戰速決,我仲要填2份,用2倍時間。內心祈求小魔怪此時不要扭眼瞓發癲。幸好順利完成(其中一份係抄的)。 解說:為何要填2份一樣?因為2個人也要2份申請表,會有兩個files,所以問卷都要2份囉。好彩我抄得快~ 最後結果如何? 好幸運地,間學校收左孖寶。 現在兩個小朋友都係依間學校讀得很開心,真係名不虛傳,係一間非常好嘅學校! 各位加油呀~我認為面試時最緊要「放鬆」,無論小朋友定家長都做番自己,就能找到一所「情投意合」的學校。 有時候,當你以為「唔得」時,到最後可能又會有「驚喜」~祝大家好運~ 以上純屬個人意見,只供參考。 希望各位看完後,當笑話看又好,有所得著更好,謝謝! ♥️你們的支持是我繼續寫blog的動力,非常感謝你們like了我的fb專頁和ig♥️ 我是前教師和各大親子網站的駐站博客,好歡迎您 like and follow了解更多育兒教育資訊、親子食譜和好去處等 ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82   [升學資訊]點揀幼稚園/幼兒園好呢? https://www.facebook.com/Miss.swanswan/posts/365796791520881