其實孖媽一向怕狗，因小時候被狗追捕過好多次????????。貓咪就唔怕，但平時冇乜機會接觸。 今次帶左小朋友去一間木系日式cafe ，全店主要用木地板和木傢俬，再配以綠色的cushion，感覺清新舒服。   客人須要消毒雙手和除鞋，然後換上紙拖鞋才可內進。而且會提供一個袋用黎裝住手袋，以免手袋會被貓貓會抓或灑尿????????。 首小時收費為六十多元，包一杯普通的飲品，其後每小時38元。店內亦提供飯麵及小食。 裝飲品嘅杯都係貓貓黎架，貓奴一定有心心眼????????。(但飲品味道真係好一般)   店內有近20隻不同種類嘅貓咪在地上四處遊走，客人可以近距離接觸貓咪，但切勿追趕貓隻和降低聲浪。 除了喺日本街頭有近距離接觸過貓貓外，今次係喺香港第一次同貓貓玩咁耐。 細佬初時驚驚地，唔敢走入去，但後來被貓咪嘅可愛吸引，漸漸唔再怕，仲主動同貓咪玩。 家姐不斷追住貓咪，非常興奮!到臨走，仲話好掛住貓貓，竟然係回家程車上哭起上來????????。真係有d搞笑...哈哈~ 另外，店內亦有提供Broadgame給客人玩，亦可購買貓零食親子餵貓咪。 ♥️香港真係好少機會近距離接受動物，除左去郊外農場外，貓咪cafe亦是一個不錯的選擇。小朋友得到一個很難忘的體驗~♥️ ⭐此店有少許貓尿味，看看本身能否接受⭐另外，建議先電話預約，當天平日下午去也全場爆滿⭐   貓之茶房 美式餐廳  香港荃灣大河道45號樹勳樓1樓 · 2149 6261   ????此post非廣告，亦沒收錢????   其實facebook改了版後，已like 專頁的讀者也未必能看到post。根據數據顯示一般只有10-30%的post可以被讀者看到，要靠專頁的互動(即讚好和留言)先有更多人看到。如果您喜歡此post，請俾個like 或留言，可以讓更多人睇到。希望您們明白,謝謝!???? ????其實我每天也趁小朋友返左學(就黎無得返學????)和瞓覺時，埋頭苦幹咁寫blog，花左好多精神和時間。有時文章被親子網站貼堂，雖然文章在該網站有時可以得到數百個likes，但最後會搵返專頁like嘅可能只得2至3個。♥️所以您們的支持是我繼續寫blog的動力，非常感謝您們like了我的fb專頁和ig♥️ ❤我是前教師和各大親子網站的駐站博客，好歡迎您 like and follow了解更多育兒教育資訊、親子食譜和好去處等❤ ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82   ????另外香港亦有其他貓咪cafe可供選擇，建議前往前，請先上網或致電了解(因以下幾間我都未去過)   貓粉 美式餐廳  香港西貢普通道54號地下 · 6694 2332   貓星人 港式餐廳 香港元朗馬田路50號朗景臺2座地下13號   阿貓地攤 日本菜  香港銅鑼灣富明街2-6號寶明大廈3樓D-E室 · 2710 9953   貓店街 美式餐廳 香港旺角西洋菜南街1A號百寶利商業中心14樓1401室 · 6221 1779   貓CatPlay 港式餐廳 香港旺角洗衣街147號榮梅大廈1樓 · 7071 2771   梅子貓舍 美式餐廳  香港觀塘成業街15-17號成運工業大廈14樓3室 · 9128 7239   喵盒子 美式餐廳 香港牛頭角偉業街93號發昌集團大廈1樓 · 9860 9080   貓喵堡 日本菜 香港尖沙咀寶勒巷27號東匯商業大廈7樓 · 6251 2147   等一隻貓咖啡 日本菜  香港旺角彌敦道642-644號陶德大廈3樓642室 · 9451 1543   Cafe Mania 多國菜  香港火炭坳背灣街26-28號富騰工業中心地下4E前舖 · 2634 6098