B女9個月大，上星期同佢參加完一間 playgroup既試堂，見佢$ 50就可以試堂，就諗住睇下環境同睇下適唔適合。
因為我B女係屬於痴身同内向……反正就係只要有媽咪陪住就唔會發脾氣同唔會喊果種！我原本係想佢接觸多D同齡既小朋友，唔駛日日只對住我，可以冇咁痴身同冇咁怕陌生人！
課程包括，要B女爬去揾媽咪，要佢捐隧道，要佢扶住行一段路，跟兒歌節奏摸身體部位，系透明膠袋裡面揾小饅頭，分別布既質感……大致一個鐘頭裡面就玩埋D！
上完堂之後，B女好攰，一抱上身幾分鐘就瞓著咗！系果刻……我覺得好殘忍，9個月BB其實仲係好細，要佢一個鍾頭裡面做咁多動作，佢體力其實真係好有限……所以我唔會同B女報名住，或者等佢大D……過咗1歲識行先再考慮！
我想問下其他媽咪，你地會唔會比小朋友返 playgroup？同埋你地會到小朋友幾大會比佢返？

2017/01/11     1096

關鍵字：playgroup

小圈圈： 寶寶成長2016猴寶小圈新界小圈