其實一般人真係對母乳有好多唔解，我未做母乳媽媽之前我都以為係咁，所以全人奶加埋身嘅母乳媽媽皮媽我要幫手解釋一下

一般誤解

母乳BB會比較瘦啲，冇奶粉B咁肥
事實例子係全母乳陳皮身高體重永遠都係97線以上????，而皮媽都認識唔少奶粉B係較瘦同追唔到自己生長線⋯⋯????

又例如母乳BB比較難夜奶，因為食母乳較稀容易覺得肚餓
但其實陳皮未滿月，三個星期左右就已經可以瞓多個六個鐘，然後個半月就已經可以瞓到八個鐘，一早就自己唔食夜奶啦⭐️????⭐️

再例如母乳BB特別痴身鍾意摟抱
陳皮根本就唔鍾意媽媽抱，令到我有啲傷心，所以我成鬼日都抱佢，好想培養到陳皮鍾意媽媽我抱佢????

所以總決而言，皮媽覺得並唔係母乳BB或者奶粉會有特別啲乜嘢特性，而係每個BB嘅性格同生長線同特質都唔同，好似大人咁，有高有瘦有肥有矮有活潑有文靜有痴人有獨立⋯⋯請尊重每一位BB都係獨一無異！

所以，新手母乳爸爸媽媽，當有人打擊你餵母乳餵哺嘅時候，請你堅持果斷一啲，因為母乳真係BB世界上最好嘅食物????????

Ps 圖片來自 黑眼圈奶爸 徐嘉賢醫師 Facebook page

2018/01/13     676

關鍵字：全母乳母乳誤解母語問題母乳母乳bb

小圈圈： 母乳餵哺