今日帶阿B去健康院做測試同打針。
阿B做到曬6個月要做既測試，包括扶住企，自己坐，左右手交換玩具。下次到一歲先再返健康院！
體重同身高已經去到成長線中間，正式由小碼B升級成中碼B了……好開心啊！
不過最後要打3針……阿B喊到停唔到……最後喊到瞓咗先停……好可憐啊！
佢爸爸今次都有去……我見到爸爸都有D眼濕濕，原來最堅強既係我，因為我由健康院一直抱佢抱到返屋企……
做咗媽媽先會明白，阿B完成測試自己會好開心，阿B打針喊喊……我會仲緊張過自己打！

2016/10/24     794

小圈圈： 寶寶成長2016猴寶小圈新界小圈